"neurriak hartu behar dira ikasleek azaleko informazioa kontsumitzeaz gain, informazio hori ulertzeko eta beren ikaskuntzan eta garapen pertsonalean gogoeta eginez aplikatzeko aukera izan dezaten"
https://31eskutik.eus/2023/12/22/olentzero-eta-mari-domingiri-gutuna/

@anabasa ikasleen zati handi batek ez du ezer inoiz irakurtzen. Lerrokada bat irakurtzea maldan gora ibiltzea bezalakoa zaie. Kurtsoan testu bat irakurtzeko eskatzen dudanean, ikasle batzuk begirada sabaian kokatzen dute irakurtzen hasi orduko.

Ikerketa lana burutzeko eskatua zaien datu basean ez da apenas artikulurik agertzen, googlek proposatu dizkien bideorik laburrenak baizik. Errealitate horri aurre egin behar diot egunero eta izugarri gogorra egiten zait.

@anabasa ahaleginaren kultura desagertzen ari da, ziztu bizian. Irakurketa ahaleginaren baliokidea zaie, ez dute edozein gisaz plazer iturri konsideratzen.

Haurrak bost urte ditu. Irakurtzeko grina izan dezan buru belarri gabiltza etxean. Ez dakigu lortuko ote dugun. Gure aldetik, hori bai, dena emango dugu hala izan dadin.

@EDERTO87 ongi ezagutzen det sentipen hori, azkarrak eta artifizioz bildutako eduki kopuru handiegiak. Datu-base gisa inguruan Berria ikasgela, Elhuyar aldizkaria, Jakin, Argia e.a baina hauek gelan sartzea ez da erraza. Kontzentratzeko nahikoa lan dugu guztiok ere, alde batetik bestera etengabe saltoka.

Irakurketa asko dago, motza, luzea, sakona, erraza, denak dira balizkoak, batak bestea oztopatzen ez badu behintzat, ta hortxe arazoa. Gazteek Irakurtzen dute, etengabe, kontua da zer eta nola.

@anabasa Galdera egin izan diedanean ikasle batzuk zintzotasunez erantzuten dute. Sare sozialetan ikusten dituzten argazki edota bideoen iruzkinak baino ez dituztela irakurtzen diote.

@EDERTO87 Ez da erronka makala aurretik duguna, irakurtzea ez da nahikoa, "ondo" irakurtzea falta zaigu. Hezkuntza komunitatearen elkarlana ezin bestekoa zaigu, baita etxeko ohiturak indartzea ere.

Gurean, guraso taldean plazaratu da herrian gaztetxoen irakurketa kluba sortzeko ideia, oraingoz hori besterik ez da, ea lurreratzea lortzen dugun! Bitartean irakurketari espazioa eskaintzen jarraitu beharko degu.

@anabasa "gaztetxoen irakurketa kluba". Oso ideia ona iruditzen zait. Donibane Lohizuneko ikastolan horrelako zerbait antola genezakeela uste dut. Milesker ideia emateagatik😉

@EDERTO87 egiten baduzue abixatu, badakizu ikusi eta ikasi! 📖