Kulturaren Euskal Behatokiak 2024ko kultur programazioaren inguruko txostena kaleratu du (https://www.euskadi.eus/contenidos/noticia/keb_argit_programazioa_2024/eu_def/adjuntos/EAEko-kultura-programazioaren-azterketa_2024.pdf). Datu jakingarri asko ematen ditu, baina ez modurik zintzoenean. Ikus dezagun.
Antzerki-emanaldiei dagokienean, esaten du 2024an 4409 saio izan zirela EAEn:
-% 44 gaztelaniaz
-% 40 euskaraz
-Besteak hitzik gabekoak edo beste hizkuntza batzuetan.
BAINA 👇
Gero esaten du saioen % 41 haurrentzat izan zela (1807). Pentsatzekoa da euskaraz izan zirenen kopurua askoz handiagoa izango zela. Azpitik jota, demagun % 65 (1174). Eta gaztelaniaz, txikia. Demagun % 10 (180). Beste guztiak, hitzik gabekoak.
Hortaz, helduentzat testuarekin egingo zen saio kopurua 2356 ingurukoa izango zen:
-% 75 gaztelaniaz (1768)
-% 25 euskaraz (588)
Zergatik ibili behar dugun "demagunka"? Erabaki dutelako datu horiek ez ematea. Zergatik? Norberak atera ditzala kontuak.
Badira, gainera, beste bi datu nahiko kezkagarri:
1. Haurrentzako saio kopurua % 41ekoa izatea. Helduena % 59koa. Helduak EAEko biztanleen % 86 dira. 14 urtez azpikoak: % 14.
2. Antzerki-saioen sarreren batez besteko prezioa 15 eurokoa izatea. Ia saio gehienak areto publikoetan direnean. Kopuru jasanezina da herritar ugarirentzat (eta iaz baino 2 euro gehiago dira, gainera).
