Aizue, hasiberri baten zalantza tontoa: erabiltzaile bat instantzia batean baino gehiagotan egon daiteke, eta mezu zehatz bat honetan edo hartan argitaratu?
Ze demagun egunen batean idatzi nahi dudala eskoziar futbolaz, edo Estatu Batuetako hauteskundeez, edo katalanaren dialektologiaz... (hirurak ala hirurak adibide guztiz, er... fikziozkoak) eta halakoak agian beste zerbitzari batzuetako jendeari botatzeak zentzu handiagoa dauka "nirean" baino 🧐
@AVU_Osoro Iepa, Aitor. Milesker! Bale, baina hala eginda ez nuke Eskoziako zerbitzari batean argitaratuko, egile bakarrari bota baizik, eta haren bertxioa-edo beharko nuke. Gehio inbestigatu beharko dut 🤔
Kaixo @oihan
Bai, nahi duzun instantzia guztietan eman dezakezu izena. Erabiltzaile ugarik egiten du hori. Horren "arazo" bakarra zure izenaren bilaketa eginez gero zenbait kontu ezberdin agertuko direla eta bioan ez baduzu zehazten kontu bakoitza zein motatako (edo hizkuntza) tootak bidaltzeko erabiltzen duzun, zu jarraitu nahi zaituenarentzat nahasgarria izan daitekeela...
@oihan @AVU_Osoro Ondo ulertu badut gakoa jarraitzen zaituen jendean dago. Eskoziar batek jarraitzen bazaitu hura jarraitzen dutenen lerro federatuan agertuko dira zure txioak, ezta?
Ez dakidana da posible den (edo nola) mezuak instantzia batzuetara mugatzea.
@oihan Zalantza bera dut nik, ez nuke zerbitzari hau nire gaztelaniazko mezuekin "kutsatu" nahi, baino era berean, nola egin?
@iayestaran
Uste dut lehen hitza euskaraz egiten baduzu ez duzula zure instantziako denbora-lerro lokala "kutsatuko".
Federatuan begira ari zarela edonori erdara batean erantzuten badiozu, berak ikusiko du baina zure zerbitzarikoei ez zaie agertuko jario lokalean.
Jario nagusian bai, agertuko zaio jarraitzen zaituenari. Ez dakit ondo ulertu / azaldu dudan 👍
@oihan
@iayestaran
Eta katalanez asko hitz egiteko asmoa bazenu katalanen dialektologiaz, orduan .cat instantzian erabiltzailea sortzea komeni litzaizuke. Abiatzen dituzun elkarrizketak beraiei lokalean agertzeko. Baina gutxi egingo baduzu, hemengo zerbitzaritik traolak erabili eta katalanak jarraitu eta aipatu, beraiekin harremanetan sartzeko.
@oihan
Kaixo @iayestaran !
Bertako arauetan jartzen dugun moduan, Jalgi instantziako hizkuntza euskara da eta aurrerantzean ere hala izatea nahi dugu.
Haatik, ulertzen dugu Fedibertsoan hizkuntza ugari erabiltzen direla eta beste instantzia batetako norbaitekin mezu truke bat izanez gero, ziurrenik euskara ez den beste hizkuntza bat erabiliko dugula horretarako. Hortaz, Jalgi instantzian euskaraz toot-atzera animatzen dugu jende guztia, baina ez da beste hizkuntzak erabiltzea "zigortzen".
mastodon.jalgi.eus instantziaren hizkuntza euskara da, ondorioz, bertako erabiltzaileak euskaraz jardutera animatzen ditugu. Bide beretik ere, administrazio taldeak (@kudea) euskaraz soilik bidaliko ditu mezu eta erantzunak. .
Haatik, erabiltzaileren batek beste hizkuntzaren bat erabili nahi izan ezkero, ez zaio horretarako mugarik jarriko, baina kontutan izan dezala bertako hizkuntza euskara dela.
Erabiltzaileren batek soilik euskarazko mezuak ikusi nahi izanez gero,bere kontuaren ezarpenetan hizkuntzaren inguruko iragazki bat sortzeko aukera ematen da.
@oihan esango nuke (ez dut oso garbi e!) mastodon.scotland.uk.com eko norbaiti lotu beharko diozula mezua, hango jendearekin eragiteko. Baina zurean ere ikusiko da mezu hori.
Edo traola bitartez "CelticSuporters" edo auskalo jarriz.